【今仔日咱做伙懷念一位重要的朋友】 這兩年，台灣社會發生了真大的變化，咱遭受著危機，煞嘛佇咧危機中團結，人民拍拚衝破逆境，就親像破繭新生仝款，台灣人佇咧歷史上踏出新的一步，這款的變化，不只是政治板塊的變動，閣較是規个社會的集體意識產生了根本的質變。咱這馬假若會當小可超越時空的限制，去看著歷史的空隙，去感受著一屑屑仔未來的微風，我知影，這攏是因為有前輩的犧牲佮奮鬥。 有足長的一段時間，台灣攏是一个充滿了苦難的島嶼，這是一个上美麗的所在，煞嘛是佮美麗離上遠的所在。猶毋過佇咧烏暗中，總是有人會當毋驚痛苦的折磨，放送出人性上燦爛的光芒，予台灣人袂絕望。其中，Nylon就是不時鞭策著咱台灣人的革命家，伊提醒咱，佇這个世界上，有一寡物件超過性命本身、超過風塵中世俗的存在，彼就是信念。就算咱人會過身、就算性命會幻滅，信念會留落來。信念，予人類的歷史對爸母行向序細，信念，予咱佇咧茫渺的苦海頂嘛會當看著岸邊的一葩火，信念，予咱佇咧無邊的荒埔嘛袂驚惶。 對Nylon(鄭南榕)來講，這个信念就是欲予每一个人，成做一个獨立尊嚴的主體，這个信念，就是自由。 自從Nylon佇咧火薰中殉道了後，廿七冬矣，如今的咱，敢自由矣？ 台灣歷史上第一改，咱選出了本土價值過半的新國會，嘛閣一擺，咱準備迎接政黨輪替，繼承獨裁統治的政黨，假若嘛咧欲去予人民掃出歷史，台灣人全面擺脫束縛敢若有望。猶毋過這个時陣！煞有人民因為某一寡人認為怹「無正常」就佇咧路邊去予人掠去，嘛有人因為佇成長的過程中無合別人的期待，社會就無愛共接受。政府講伊的權力來自每一个人民，煞又閣共重重重的跤鐐銬佇咧每一个人民的身軀頂。台灣人積極佇咧國際舞台頂拍拚，煞閣佇咧國際政治中揣無空隙來發聲，咱，敢自由矣？ 我是佇咧濟濟濟的台灣民主歷史的冊佮影片中熟似Nylon的。我永遠會記咧伊喝出「我是鄭南榕，我主張台灣獨立！」彼種得意、自信、小可臭屁、不可一世的風采。當初時，Nylon用這種方式來宣誓，台灣人欲做台灣的主人、做家己的主人，鼓舞偌仔濟無奈閣躊躇的靈魂。彼當時到這馬，嘛已經廿七冬過去矣，如今的台灣社會，這種的表態煞是遮爾仔自然，年輕人學著Nylon，講出我是誰、某某某，我主張台灣獨立，嘛欲做伙來推捒台灣的時代來進步向前行。兩個月前，我佇咧國會質詢的時自然來講出喙，「台灣獨立」是我長期以來的理想，了後有濟濟前輩共我講，會當佇咧國會聽著按呢的聲音，真特別，真感動。猶毋過，我相信對足濟少年人，尤其是比我閣較少年的人來講，這完全無需要特別的勇氣，這是一个追求獨立已經足自然的時代。 台獨，成做這个土地的理想，偌仔濟前輩佇咧半暝深更的時陣，佮家己來輕聲細說，袂當公開來表達，干焦會當共這个理想慢慢仔深沈佇咧心肝，佇咧血肉，佇咧骨髓，佮所有心酸摻做伙。監視、文字獄、佮祕密警察，全面共你束牢咧。莫講理想，連人民的命嘛是怹的。當初時的人民面對獨裁，干焦會當佇咧心肝中，寬寬仔、沓沓仔來守護自由的彼葩火、莫予化去，彼是一个「袂當做嘛袂當講」的年代。紲落來的幾十年，無數的前輩用肉體漸漸仔共政治的空間挵予開，彼个時陣，足濟前輩的跤步行佇咧頭前，社會上大多數的人猶無辦法接受獨立的想法，台獨「會當做煞袂當講」。到甲這馬，台灣認同已經變做社會的主流認同。毋但是政治愛實際來打造本土主體、法制健全、主權國家，嘛愛受著大眾的鞭策佮檢驗，台獨毋但是「會當做嘛會當講」，已經是會當用行動佮議論來互相檢視、協同合作的年代。 台獨運動總算已經毋是一條孤單的苦行之路。 猶毋過，咱閣較愛反省，按呢敢就有夠矣？ 咱有出版、集會、結社佮言論的自由，台灣假若是一个自由的社會，這敢已經是美好的時代矣？ 我閣問一改，今仔日的咱，敢自由矣？ 若是Nylon猶閣活咧，伊對這馬的台灣社會敢會感覺滿意？ 袂！我相信伊袂，伊一定會講，無受威權政黨控制的新國會，才拄才出世，這猶閣離收成的時刻足遠的。 台灣人，建立了新國會，真正的改革工課才拄才開始爾！ 伊一定會足著急，一直咧要求咱所有的同志，一屑屑仔嘛袂當放予輕鬆。伊目睭內的光火，伊手擛起來的力量，伊迫倚過來的聲勢，攏咧共咱追究，正義有彰顯矣無？ 剝削有消滅矣無？ 每一个人敢有法度感受著性命的美好？ 每一个人敢有法度享受著做一个人完整的尊嚴？ 「若無，啊你閣咧等啥物？」 伊一定會按呢共咱追究的啦honnh！ 所以，咱就愛繼續向前，繼續向前！ 舊年，咱成立新的政黨，以「時代力量」來號名，嘛受著Nylon的「時代」雜誌的啟發。咱向望會當用「時代」的精神來自我勉勵，會當行佇時代的頭前，欲成做這个時代一種堅定不變的力量。 猶毋過，Nylon毋是一切的開始，咱嘛毋是伊的繼承者。咱攏是這千百年的歷史長河中，為台灣這隻船，扒一个仔水的過客。這塊土地上承擔偌仔濟人的夢佮性命，對日本時代爭取人民自治、台灣議會，到戰後黨外爭取自由民主、台灣獨立。無數人的身影一个仔一个仔疊起來，性命燦爛又閣消失，總算是交織了如今擺脫黨國控制、真正代表人民的國會。百年來的追求，如今就佇咧咱每一擺喘氣的空氣中、每一粒天頂落落來的雨水內、每一逝迵過風雲的光線內。過去所有的烏暗、痛苦佮血汗，如今攏變做咱徛起的地基，晟養著新的性命來大漢。 理想猶未達成，咱行過Nylon的身軀，繼續攑頭行向Nylon早就看著的目標。Nylon一代人為台灣人民衝破民主自由的空縫，咱這代人又閣欲留予下一代啥物？咱的形影敢會佮Nylon仝款遐爾仔挺？遐爾仔有骨氣？這我毋知，我干焦知影，咱佇咧遮，毋是來佇咧墓地歇睏，是猶閣佇咧戰場頂，向前輩來保證，咱會繼續向前。 有一工，咱的靈魂嘛會離開，咱的身軀嘛會爛，下一代會繼續活佇咧這个美麗的島嶼。我向望彼个時陣，咱的囝孫會當享受著比我想會到的美好社會、閣較美好，彼，是Nylon所講的「好國好民」的時代。向望彼个時陣，微微仔的風聲，就是Nylon的笑聲，嘛是咱所有的人的笑聲。 【華語翻譯】 各位好，今天，我們在這裡一起懷念一位重要的朋友。 這兩年，台灣社會發生了很大的變化，我們遭逢危機，卻也在危機之中團結，人民奮力衝破逆境，有如破繭新生一般，台灣人在歷史上踏出了新的一步，這樣的變化，不只是近年來政治板塊的變動，更是整個社會，在集體意識的土壤上產生了根本的質變。假如，我們現在能短暫超越時空的限制，去窺探歷史的縫隙，而從中感受到了一絲未來的微風，我會說，那必定是奠基在前人的犧牲與奮鬥上。 曾經，有很長的一段時間，台灣都是一個充滿苦難的島嶼，這是一個最美麗的地方，卻也是離美麗最遠的地方，但在黑暗中，總是有人能不畏痛苦的折磨，綻放出人性最璀璨的光輝而使我們不致絕望。其中，Nylon便是時時鞭策著台灣人的革命家，他提醒我們，在這世界上，存在著某些東西超越了生命本身、超越了風塵中世俗的存在，那就是信念。就算人會死去、就算一切都灰飛湮滅，信念會留下。信念，讓人類的歷史從父母走向子女，信念，讓我們在虛無的汪洋上也能看見岸邊的一盞火光，信念，使我們身處於無盡的荒原卻不會驚恐。 對Nylon(鄭南榕)來說，這個信念便是讓人成為獨立而尊嚴的個體，這個信念，便是自由。 自Nylon在火焰中殉道後，廿七年了，如今的我們自由嗎？ 台灣歷史上第一次，我們選出了本土價值過半的新國會，再一次，我們準備迎接政黨輪替，法西斯政黨眼看快要被逼出歷史，台灣人全面掙脫枷鎖似乎在望。但同時！卻有人因為被某些人認為「不正常」而在路上被抓走，有人因為在成長中低於期待而不見容於社會。政府聲稱權力來自於每一位人民，卻又將枷鎖重重銬在每個人民身上，台灣人積極地活躍在國際舞台，卻又仍在國際地緣政治的夾縫裡掙扎，我們自由了嗎？ 我是在一部部紀錄台灣民主歷史的書籍與影片中認識Nylon的。我永遠記得他高呼「我是鄭南榕，我主張台灣獨立！」那顧盼自雄、不可一世的風采。當初，Nylon用一種得意且自信的方式宣告社會，台灣人要做台灣的主人、做自己的主人，振奮多少無助又徬徨的靈魂。距離那時已經廿七個年頭過去，如今的台灣社會，這樣的表態卻是如此自然，年輕人效仿著Nylon，說出我是誰誰誰，我支持台灣獨立，一起推動著台灣的時代巨輪向前進。兩個月前我在國會質詢時自然而然的說出口，台灣獨立是我長期以來的理想，許多長輩跟我說，能在國會裡聽到這樣的聲音，很特別，很感動。然而，對年輕人，尤其是比我更年輕的來說，這是無須特別的勇氣，這是一個追求獨立已成自然的時代。 台獨作為一個國家的理想，多少前人曾在午夜中夢迴低語，卻不能在公開明言，只能讓這樣的理想慢慢的沉澱...沉澱....，直到深深的沁入血肉、沁入骨髓，和所有酸楚和在一起。監控、文字獄、和祕密警察，隨時會從天而降，當時的人們面對極權，只能在心中小心翼翼地守護著自由的火苗不致熄滅，那是一個「不能做也不能說」的年代。接著的數十年，政治的空間，在無數的前輩們用肉身衝撞之下漸漸打開，當時這些先行者的腳步太迅速，社會上大多數人還沒辦法接受獨立的思想，台獨「可以做卻不能說」。到了今日，台灣人已經成為社會的主流認同。不只在政治要建構本土主體、法制健全、主權國家，也要再受到大眾輿論的鞭策和檢驗，台獨不僅「可以做也可以說」，已經可以用行動與倡議來互相檢視、協同合作。 台獨運動終於不再是一條孤獨的苦行之路。 但是，我們更要自省，這就夠了嗎？ 我們享有的出版、集會結社和言論自由，台灣似乎是一個自由的社會，這樣是美好的時代了嗎？ 今天的我們，是真的自由了嗎？ 要是Nylon還活著，他是否會安於現在的台灣社會？ 不！我相信他不會的，他一定會說，不受威權政黨控制的新國會，才剛在台灣史上首次誕生，這不是結成果實的時刻。 建立新國會，真正的改革工作才正要開始而已！ 他一定會急切地催促同志們一刻也不能鬆懈，加緊腳步進行新階段的政治改革工程。他眼神中的火光，他揮舞雙手的力量，他咄咄逼人的言論，都在逼問著我們， 正義是否被彰顯？ 剝削是否被消滅？ 每個人是否都能領略生命中的美好？ 每個人是否都能完整享有身而為人的尊嚴？ 「如果不是，那你在等什麼？」 他一定會這樣逼問著我們吧。 我們還要繼續前進才行，前進，前進。 去年，我們成立新政黨，以「時代力量」作為名，鄭南榕的「時代」雜誌也是我們的啟發。我們希望能以「時代」的精神來自我砥礪，要走在時代的前端，要能成為時代中一股堅定不移的力量。 然而，Nylon並不是這一切的開始，我們也不是他的的繼承者。我們都只是這千百年的長河中，為台灣這艘船划一槳水的過客。這塊土地上承載多少人的夢想與生命，從日本時代爭取人民自治、台灣議會，到戰後黨外爭取自由民主、台灣獨立。無數人的身影層層堆疊，生命綻放又消逝，終於交織出了現在掙脫黨國控制、真正代表人民的國會。百年來的追求，如今就在我們每一次呼吸的空氣中、每一滴從天而降的雨水中、每一束穿透雲霧的陽光中。過去所有的黑暗、痛苦和鮮血，如今都成為我們立足的土壤，養育新的生命茁壯。 理想還沒達成，我們走過Nylon的軀體，繼續抬頭挺胸地往前走向Nylon預見的目標。Nylon一代人為台灣人民衝出了民主自由的破口，我們這一代人又要留給一下一代什麼？我們的背影是否會跟Nylon一樣堅挺不屈？這些我並不知道，我只知道，我們在這邊，並不是在墓地前休息，而是在戰場上，向前人保證，我們會繼續向前。 有一天，我們的軀體也會死去，下一代會繼續活在這個美麗的島上。我希望屆時，我們的子孫享有比我想像中的美好 更加美好 的生活，一個Nylon口中「好國好民」的時代。希望屆時，風聲便是Nylon的笑聲，也是我們所有人的笑聲。

由林昶佐 Freddy Lim 貼上了 2016年4月6日