|
台語小專題分享~第一戰線的台語教師
主講：卓靜勳老師
地點：台灣本土文化書局-中市三民路3段49號 04-2222-4160
日期 : 2011.08.26(五)
時間：PM19：00-21:00 費用：免費(歡迎預先報名)
學歷：台灣基督長老教會聖經學院
現任: 台中市,苗栗縣國中小學 台語教師
認證:
2009一年中完成之認證佮執教
台灣基督長老教會總會 台灣母語推行委員會
白話字,教會羅馬字中級認證
國立成功大學2009台語文認證
苗栗縣政府台語支援教師認證
屏東縣政府台語支援教師認證
專長: 白話字,台羅,漢學中級,古典吉他,民謠吉他,空手道黑帶三段,魔術.
得獎:
教學2年指導台中,苗栗縣市國中小學全國語文競賽.
台語講演 第一名2位 第二名5位 童謠清唱 第3名
苗栗縣100年”慈母心 鄉土情”台語講演第6名
一滴一滴的水成作海遐大，一粒一粒的塗沙成作地佮山。
卓靜勳 2011/08/01
台語優雅有智慧，世代傳承長流水。台語是足美的語言！
各位前輩佮佇學校教學的台語教師，攏就是一滴水、一粒沙，拍拼傳承台灣文化佮台語。
毋過，佇外來政權用強權壓制的方式，統治台灣排斥台語，想欲自我提昇來附合聯合國母語保存，逮著先進國家的潮流，用誠濟漚步壓制，台語教師真委曲，予政府戴著閩南語支援教師的矮化身份。台灣的族群到今干單台語猶無委員會，嘛無任何經費，用「2688」專案佇國小逐禮拜40分鐘的台語教學，誠實足譀古的事誌，這款的政策亦予台語教師佇學校教學，若親像古早的新婦仔咧！
最近，教育部已經放風聲，「2688」經費差不多用完矣，台語教學要佇98學年前著完成任用在職教師來教學。即學年，復較笑詼，有一位科任的台語教師，佇伊任用的第一學年，指導學生參加縣市台語比賽，破例著第三名，毋過，煞予在職國語兼職台語的教師，批評伊傷認真，予誠無面子，煞毋復任用伊的事誌！
懇請各位前輩、先進來湊思考，咱手牽手、心連心，逐家鬥陣來推拺台語，也支援咱佇第一戰線辛苦拍拼的台語教師。
source: 台灣本土文化書局
|
