|
（轉發分享 from 公視台語台）
圖片截圖自公視台語台，預告片段
想欲了解林宅血案？
——做伙來看這部𝟐𝟎𝟏𝟏年的紀錄片《#牽阮的手》
➋/❶➎(日) 早起𝟗點 鎖定公視台語台
林宅血案是這部紀錄片當中真重要的一段...1980年2月28，田秋堇先趕到林義雄徛家，伊講起當初時看著傷的林奐均予人送去病院，以及了後知影著林老太太和雙胞胎姊妹仔遇害的情形...
這部片是顏蘭權佮莊益增所翕，雖然毋是以林宅血案做主題，但是紀錄田朝明醫師和田孟淑女士（田媽媽）兩人的愛情，𤆬領觀眾回顧台灣這50年來的民主之路，包括林宅血案、鄭南榕自焚、美麗島事件等等關鍵時刻。
《牽阮的手》為著愛，無惜一切
個性活潑古錐、好鬥陣的oo-bá-sáng田媽媽——田孟淑女士，為佮伊愛的翁婿田爸爸——田朝明兩人的愛情和人生留下永遠的紀錄。
這兩人的名，對台灣政治冷感的少年家來講，可能有淡薄仔生份。但是對了解台灣民主化的人來講，𪜶是台灣民主運動的重要角色。這對夫妻牽手行過半世紀，這部紀錄片對田媽媽回憶當年𪜶的愛情開始。原來田家夫妻的戀愛過程，袂輸現時播送的電影抑是偶像劇。佇當年社會風氣保守的台南，彼陣才16歲的田媽媽和34歲仝姓的田朝明醫師相意愛，無顧厝裡反對，兩人相𤆬走，為著愛，無惜一切。
--《牽阮的手(Hand in Hand)》播出資訊
時間｜2/15(日) 早起9點
電視｜公視台語台無線6台、有線14台
網路｜公視台語台YouTube直播頻道
串流｜公視+ 限時7工收看
Source: 公視台語台（2026/2/10轉貼）
※轉貼預告片為教育用途，若有侵權敬請見諒，煩請告知，即刻取下※
|
