|
（轉發分享 from 公視台語台／台灣記事簿）
圖片截自影片
失落的派娜娜 (上)
你敢聽過「Panana(派娜娜)」這个名？
佇1950年代，Panana是台灣真出名的歌手，伊的漢名號做「高菊花」，伊的阿爸是白色恐怖受難者，前吳鳳鄉(今阿里山鄉)鄉長，高一生(Uyongu Yata'uyungana)。
1952年，高一生(Uyongu Yata'uyungana)予政府掠去，高菊花為著欲趁錢照顧厝內人，伊去歌聽唱歌，開始伊成做「Panana(派娜娜)」的歌手人生；這段人生看著奢颺，對伊來講煞是滿滿袂勘得的痛苦，也埋一个一世人講袂出喙的秘密。
失落的派娜娜 (下)
Panana(派娜娜)成做歌星出名了後，煞是伊痛苦的開始。伊佇台頂唱歌，台仔跤是警備總部的人咧等伊，欲𤆬伊去問話，甚至是予人要求愛「服務」彼當陣的波蘭船員。台灣作家林蔚昀共台灣國家檔案搜予透，嘛去對照波蘭國家檔案，干證這件白色恐怖時期上侮辱女性的刑求。
不而過，Panana受的委屈，厝裡的人攏毋知影，因為伊無講，嘛無法度講。
3/29禮拜暗時七點半，台灣記事簿𤆬你來看Panana因為伊的身分，受濟濟委屈和痛苦的人生故事。
Source: 公視台語台／台灣記事簿（2026/5/12轉貼)
※影片轉貼為教育用途，若有侵權敬請見諒，煩請告知，即刻取下※
相關閱讀：
野火樂集／派娜娜－傳奇女伶高菊花
【周玉蔻｜新聞放鞭炮】（2026/5/1）：她不只是歌后，更是時代的眼淚！揭秘《傳奇女伶 高菊花》跌宕起伏的生命真相！來賓：熊儒賢《傳奇女伶 高菊花》紀錄片監製🌶🌶
延伸閱讀：
【錄音】《派娜娜傳奇女伶高菊花》紀錄片－承擔的勇者
【追思手冊】原住民自治先覺者高一生哲人．略歷26－家屬堅韌挺過磨難
【活動報導全集】原住民自治先覺者高一生哲人．揭碑追思音樂會
|
