|
圖片來源：裝咖人FB
【夜官三部曲音樂錄影帶：第二部曲〈林秀媚〉Lîm Siù-bī】
用地方的精神和氣味來製作：裝咖人．有時間影像Time to Production
拜請嘉義盧鈵欽 安心放下保萬民
厝內序細攏平靜 目屎袂落林秀媚
註：關於〈林秀媚〉影片中，林秀媚口述公開照片一事。改自1995年出版，張炎憲 · 王逸石 · 高淑媛 · 王昭文採訪紀錄《嘉義驛前二二八》書中林秀媚口述原文：「我很感謝政府將我先生明殺，如果用暗殺手法，我找不到先生的屍體更費事。當時我因孩子還小，叫人家來幫忙照相沒有人敢來；如果當時不是孩子幼小，我準備將我先生的衣服都剝光，從正面、側面、前面、後面都拍照，拿出來向國際宣傳。」
────────
阿欽，我知影你是袂閣轉來矣。我有聽著你佇厝外哭規暝的聲，彼工你轉來，規身軀全全血，胸坎的血空足驚人（kiann-lâng），你覆佇桌仔頂哭，彼陣，我就知影你袂閣轉來矣。咱的屘囝（ban-kiánn）有一暗共我講，伊看著阿爸徛佇蠓罩外口，彼陣，我閣較知影，你是永遠永遠袂閣轉來矣。
我毋是古早彼款苦情的查某人，你胸坎前的批我有看矣，喪葬費用三仟箍我已經還（hâinn）矣。你就萬事放下，厝內大大細細現此時攏平安平靜。我想無咧，咱愛當時才毋免驚死踮機關銃口？
阿欽，三牲四果，就來鑒納（kàm-la̍p），一路平安。林秀媚。
────────
先生娘佇咧大廳門口拜拜，伊已經老矣，頭鬃親像雞卵花，毋過看起來猶原真媠。我一入來先生娘就認出我，講我已經遐大漢，伊攏無機會去揣我看我，毋知按怎，我目屎都流出來，我明明已經是五十幾歲，強欲六十的婦女，佇秀媚先生娘看起來若親像少女。
秀媚先生娘講，盧醫師離開冬偌了後，阿妹仔都綴伊阿爸去啊，阿妹仔和伊阿爸上好，阿欽傷疼伊，怹一定佇另外一个世界快樂生活。伊閣講：
「前幾个月，我有看著阿欽轉來，伊牽著阿妹仔，我想欲牽伊的手隨綴怹行，但是毋知是按怎，我感覺我一定愛轉來，轉來這間厝看覓，也毋知欲看啥，想袂到等著妳。」
「妳敢有看？阿欽都咧門口，清清氣氣，身軀勇健，面肉少年，唉呦，真正緣投。」
閣目一𥍉，秀媚先生娘已經行去盧醫師身邊，伊變做少女時的模樣，皮膚滑溜，頭鬃反黑，插一蕊雞卵花，牽手和盧醫師行出醫生館。
──引自 張嘉祥《夜官巡場》小說，2022年，九歌出版社
────────
導演的話：〈死亡之後，活下來的人要繼續生活〉詹婗
大家在說二二八受難者的時候大多數想像的都是直接事件的受難者，但事件過後，被遺留下來繼續活著的家屬也是受難者，他們的故事和視角並不常被提起，但他們才是在事件過後必須要繼續生活、努力活著的人。在一個國家重大的流血事件過後，受難的人還在繼續受難。在林秀媚1995年記載的口述史下，她依然保持憤怒，她還在等一個公道。
林秀媚是當時嘉義首富的大小姐，嘉義女中畢業。我只能想像，那樣一個嬌貴倔強的大小姐，在威權之下無人能、也無人敢伸出援手的狀況下，痛失所愛的她，只能咬緊牙關折著從未折過的紙蓮花，將情緒折成紙花；蓮花上「極樂世界」四個大字映在她眼前，但是是誰的極樂？「拔一切業障根本得生淨土陀羅尼」，又拔了誰的業障？天地不公，政府不義，為什麼偏偏死的是她的愛人？
她只能笨拙的洗著衣服，幫傭的人不敢來，她和孩子還要繼續生活，一遍遍搓洗襯衫上洗不掉的血污，甚至浸滿了整個盆，血漬漫上了孩子的衣物。
她恨，她憤怒，但生活還要繼續，悲傷痛苦不會消失，一代一代，傷痕被傳承，有些人不再開口。她緊緊記在心中，她立誓，永不遺忘苦難悲憤，她等著將血衣昭告天下的那一天。所以〈林秀媚〉我想把話語權還給秀媚們，讓她們說自己的情感和故事，受難者家屬不一定只有女性，就像直接的受難者也有女性知識份子一樣（儘管是少數），女性在二二八的經驗與記憶也是同等重要的。
我期望能拍出「查某人的堅持和憤怒」，在輕快明朗的曲調裡用了很長很慢的鏡頭來積累林秀媚的悲傷與憤怒，受難者的家屬也是受難者。溫暖明亮的日子裡，一個知識青年死去了，一個女性開始撐起一個家，選擇繼續活下去。
台灣的查某人們以一種陰性的力量支撐著家庭、支撐著台灣歷史。
────────
詞：張嘉祥 Tiunn Ka-siông
曲：張嘉祥 Tiunn Ka-siông、朱雨民 Mills Chu
編曲：朱雨民 Mills Chu
天 已經清光光 你 前跤踏出門
講今日當好時 招阮出門散散心
我想無 哪會毋綴你來去？
你敢有 閣來的清光的日子
寒天水冷清清 厝內只有阮精神
三千箍 我已經還 米嘛有夠用
你轉來彼一工 阮䖙（thenn）佇眠床頂
神明廳紅赤赤 厝後一陣一陣
天是清光 日是好日 是哭阮是哭阮
你跍佇遐啊 毋願起身啊 一陣一陣
觀音（im）菩薩救苦救難 踅矣踅 轉矣轉
你轉來彼一工 倒佇四人扛的床
神明廳烏嘛嘛 厝內一陣一陣
天是清光 日是好日 是哭阮是哭阮
阮跍佇遐啊 毋願起身啊 一陣一陣
觀音菩薩救苦救難 踅矣踅 轉矣轉
轉來厝內 揣囝兒序細 看亻因睏佇眠床
拜請拜請
拜請觀音菩薩 拜請文殊菩薩
拜請地藏菩薩 拜請拜請
拜請嘉義盧鈵欽 安心放下保萬民
厝內序細攏平靜 目屎袂落林秀媚
有時你會哭規暝 有時你會坐桌頂
等亻因彼工攏落去 菩薩面前講予明
拜請陳澄波（tîng-pho） 拜請蔡鐵城
拜請盧鈵欽 拜請拜請 退駕
資料來源&更多此曲音樂製作資料、影像製作資料：裝咖人Tsng-kha-lâng YT
新台文樂團「裝咖人」，入圍第33屆（2022年）金曲獎最佳新人獎，意義非凡。
圖片來源：裝咖人FB
延伸閱讀：
「2022自由路上音樂節」－宣揚台灣神花絮
|
