【簡介】為台灣受難ê王育霖先生，m̄-nā是維持正義ê檢察官，mā是一位有才情ê詩人。為著chhui-sak每年3月14台灣詩人節thang表達對王育霖詩人檢察官ê siàu-liām，mā鼓勵少年人投入台語文創作，特別辦理台語詩徵文比賽。
觀看更多照片
時間：2024年3月16日（週六）
地點：台灣聖山－生態教育園區
第2屆「王育霖詩人檢察官台語詩徵文比賽」第二名Siau U̍t-soan（蕭聿萱）
（影片拍攝、剪輯：贊外）
作品：〈夢醒了後〉
敢若是我綴毋著夢
我夢著這片土地ê色水
有藍有青
Koh透濫著一寡紅
佇塗跤學爬ê囡仔
頭擺開喙叫媽媽爸爸
後來伊ê喙舌
攏染做ㄅㄆㄇㄈê hêng
囡仔開始行，開始走
傱過花開kah落葉ê季節
食過西瓜kah刺波ê甜味
一直到阿公無法度koh再
唱丟丟銅仔hō͘伊聽ê時陣
伊攏毋捌看過hóe-chhia kah pōng-khang
囡仔ê身懸一暝大一寸
敢若台北這个城市ê節奏
來來去去，巷仔內ê老厝生出皺痕
老厝內面ê阿媽kah阿公攏是啞口
𪜶攏用兩个桮咧開講
有一寡代誌
是清醒了後才知影
親像土地ê紅
攏是啥人ê血
囡仔想起來
細漢時佇彼間巷仔內ê老厝
伊開喙叫阿公阿媽ê時陣
𪜶攏會唱歌hō͘伊聽
Siau U̍t-soan（蕭聿萱）作者紹介：
1998年佇台北出世，這馬leh讀中正大學台文所。大學三年仔進前袂曉講台語，當leh kā母語學轉來。上佮意カナヘイ、BL báng-gà kah每一个佇愛人仔身軀邊清醒ê早時（雖罔有當陣會睏kah下晡）。作品bat佇《台文通BONG報》kah《台文戰線》刊登過。
延伸閱讀：
【活動報導全集】司法改革先鋒王育霖詩人檢察官．開像追思會佮台語詩比賽頒獎
【活動手冊】司法改革先鋒王育霖詩人檢察官．開像追思會佮台語詩比賽頒獎
【演奏】桜色舞うころ／櫻花紛飛時（司法改革先鋒王育霖詩人檢察官．開像追思會佮台語詩比賽頒獎）
【短訪】蔡銘軒議員（司法改革先鋒王育霖詩人檢察官．開像追思會佮台語詩比賽頒獎）
【致詞】大地董事長陳俊峰醫師（司法改革先鋒王育霖詩人檢察官．開像追思會佮台語詩比賽頒獎）
【短訪】對囡仔講台語Tùi gín-á kóng Tâi-gí～Lí Bēng-chin（李孟真）（司法改革先鋒王育霖詩人檢察官．開像追思會佮台語詩比賽頒獎）
【花絮】開像、頒獎典禮&彩蛋（司法改革先鋒王育霖詩人檢察官．開像追思會佮台語詩比賽頒獎）
【演奏】望你早歸（司法改革先鋒王育霖詩人檢察官．開像追思會佮台語詩比賽頒獎）
【致詞】王育霖檢察官家屬王克雄博士（司法改革先鋒王育霖詩人檢察官．開像追思會佮台語詩比賽頒獎）
【短訪】李孟修醫師（司法改革先鋒王育霖詩人檢察官．開像追思會佮台語詩比賽頒獎）
【演唱】全心全意愛你．阿美族歡聚歌（司法改革先鋒王育霖詩人檢察官．開像追思會佮台語詩比賽頒獎）
【致詞】台文筆會理事長陳明仁文學家（司法改革先鋒王育霖詩人檢察官．開像追思會佮台語詩比賽頒獎）
【唸詩】頭賞／Ông E̍k-khái王奕凱（司法改革先鋒王育霖詩人檢察官．開像追思會佮台語詩比賽頒獎）
